Pneumologu Adrian Jorgji ka dhënë një lajm që nuk ishte shumë i pritshëm për qytetarët. I ftuar në “AbcNews”, në emisionin e mëngjesit, Jorgji tha se antitrupat që krijon një pacient pas shërimit nga Covid-19, e humbasin fuqinë e tyre, tetë javë më vonë.
Ai shtoi se duhet bërë kujdes edhe për faktin se në cilën periudhë bëjmë dhurimin e plazmës së gjakut, në mënyrë që antitrupat të jenë në kulmin e fuqisë së tyre.
“Pas javës së tetë ata që e kanë kaluar, igG që është matësi i antitrupave, në një masë gati 70% fillon edhe bie. Unë do të thoja që duhet të tregohemi vigjilent në lidhje me këtë situatë. Duhet të dimë se kur ta dhurojmë plazmën e gjakut,”– tha Jorgji.
Featured image of article: Kujdes kur dhuroni plazmën! Mjeku: Antitrupat e humbasin fuqinë pas tetë javësh, ja ç’duhet të bëjnë të shëruarit
Përsa i përket virozave të stinës, mjeku shtoi se duhet treguar kujdes për ngjashmëritë që kanë ato me koronavirusin.
“Referuar familjes së COVID, është një studim gjerman me 10 persona për familjen e COVID , që janë edhe shkaktarë të të ftohurës së thjeshtë. Dhe ka rezultuar që deri në 3-4 herë në vit mund të infektohesh nga kjo familje. Theksoj se është detyrë qytetare që të tregojmë kujdes edhe nëse kemi një të ftohur të thjeshtë,”– tha më tej mjeku.
Notice: Trying to access array offset on value of type null in /home/customer/www/a-news24.com/public_html/wp-content/themes/goodnews5/framework/functions/posts_share.php on line 66
