MËSUESJA HAXHERE, ME GËRSHETA TË ZEZA, U DEKORUA NGA PRESIDENTI I SHQIPËRISË!
Miku im i dashur!
Që kur vendosa bashkëpunimin e ndërsjellë, të ngushtë dhe miqësor me familjarët e protagonistit të përkujtimit të radhës, kërkova të më dërgojnë ca figura të riprodhuara! Prej të gjitha imazheve, përzgjodha këtë të fundit.., këtë të motit 1949 të ndërtuar në Kërçovë.., e zgjodha, sepse në të diktova a zbulova një mal me shumë dashuri të thellë dhe të çiltër.., sikur pash një grumbull fëmijësh a nxënësish që mëshirojnë dashurinë e gocës prej mësueseje.., përzgjodha figurën a shëmbëlltyrën që reflekton humanizëm, respekt, dituri dhe mbi të gjitha mirësi.., në këtë përfytyrim a riprodhim besnik, sikur zbulova a diktova një mjedis të ngrohtë.., një mjedis të gëzueshëm e festiv.., sikur e pash mësuesen me gërsheta të zeza, sikur e pashë gocën prej Uskane.., vajzën e axhës Rasim dhe nënëlokes Azize.., Haxhere Ramizi, që dikur moti, kreu kurset pedagogjike dhe normalen në Shkup, Haxherja, e cila në vitin 1947 u punësua në Kërçovë si mësuese e parë shqiptare.., ajo që në vitin 1958, fëmijëve të Gostivarit ua këndoi shkrimin dhe leximin.., Haxherja, që në Tetovë solli pajën e saj.., pajën me.., Haxherja, që për një jetë u dashurua me profesionin më të shenjtë.., me misionin.., Haxherja, e cila nga viti 1958 deri më 1983 punoi në shkollën fillore të “Istikbalit” të Tetovës.., MËSUESJA e POPULLIT, e cila nga ana Lidhjes së Gruas Shqitare në Tetovë, u dekorua me mirënjohje për veprimtarinë e saj edukativo arsimore.., kësaj përhapëses të diturisë, kulturës dhe arsimit, me 25.09.1995, nga ana e presidentit të republikës së Shqipërisë, Dr. Sali Berisha, do t’i jepet dekorata e Klasës së Parë!
E gjithë pasuria e tundshme dhe e patundshme e Mësueses të Popullit, dikur moti, u rregjistrua kësisoj: Dy goca, njëra magjistre e Arkitekturës dhe tjetra magjistre e shkencave biologjike.., një mal me shumë dashuri për nxënësit e saj, një trastë shpine e mbushur deri në buzë me mall për shkollën e parë ku punoi, një mal me nostalgji për kalldrëmet e qytetit të Uskanës, si dhe ajo Dekorata e lartë, që ka firmën a nënshkrimin e kryeparit të njerëzve që flasin shqip dhe vetëm shqip! Sa shumë të pasur e paskësh pajën, kjo përhapëse e diturisë, kulturës dhe arsimit!
PS
Mësuese e dashur! Faleminderit për kontributin tënd të çmuar, ndaj arsimimit dhe edukimit të brezave prej gjak shqiptari!
FALEMINDERIT USKANË!
FALEMINDERIT TETOVË!
Notice: Trying to access array offset on value of type null in /home/customer/www/a-news24.com/public_html/wp-content/themes/goodnews5/framework/functions/posts_share.php on line 66