Zejni Bilalli – Ukshetina/ U nda nga jeta, mesuesi dhe kolegu im i dashur dhe shumë i respektuar Ulfet Idrizi

In memoriam

Sot u nda nga jeta, mesuesi dhe kolegu im i dashur dhe shumë i respektuar Ulfet Idrizi.

Shumë njerëz vuajnë nga meraku se do të harrohen sapo të ndahen nga kjo jetë dhe i presin çastet e fundit me këtë makth, mirëpo mësuesin Ulfet Idriz nuk e brente ky merak, sepse ai e dinte se nuk do ta harrojnë kurrë – ata që ua kushtoi një jetë?

Ulfeti është i biri i mësuesit Nazmi. Kush më shumë se këta dy, kanë dhënë më shumë për edukimin dhe arsimimin e gjeneratave të reja në Forinë? Afro një shekull mbollën shkronja dhe numra në Forinë.

“Mësues” është një fjalë e bukur! Dhe një titull i çmuar, të cilin duhet ta meritosh. Kjo fjalë është ndër më kuptimplotet. Ulfet Idrizi ishte një mësues i tillë.Tërë jetën u mësoi nxënësve se si t’i ndjekin rrugët e dijes dhe të respektojnë vlerat e saj.

Të faliminderës për punën që bëre mësuesi Ulfet!

Në këto momente të rënda për familjen, djemtë nipërit dhe mbesat le t’u ngushllojë vepra dhe puna që e bëri i ndjeri me aq përkushtim dhe pasion. Ai u largua nga kjo jetë me përmbushjen e misionit që iu përcaktua. Ai do mbetet jo veç në kujtesën tuaj, por edhe të nxënësve, kolegëve dhe shokëve të tijë.

I lehtë të qoftë dheu i Rudinës së Forinës që aq shumë e deshe! Zoti të shpërbleftë për veprën Tënde!

Zejni Bilalli – Ukshetina