Kina kufizon publikimet e studimeve mbi origjinën e koronavirusit

Kina ka vendosur kufizime në publikimin e kërkimeve akademike mbi koronavirus, sipas një direktive të qeverisë.

Njoftimet e publikuara online nga dy universitete kineze, tashmë janë hequr. Sipas politikës së re, të gjitha punimet akademike mbi Covid-19 do t’i nënshtrohen një kontrolli shtesë para se të paraqiten për botim.

Studimet mbi origjinën e virusit do të marrin një kontroll shtesë dhe duhet të miratohen nga zyrtarët e qeverisë qendrore.Një ekspert mjekësor në Hong Kong i cili bashkëpunoi me studiuesit për të botuar një analizë klinike të rasteve Covid-19 në një revistë ndërkombëtare mjekësore tha që puna e tij nuk i nënshtrohej një kontrolli të tillë.

Kontrolli i shtuar duket se është përpjekja e fundit e qeverisë kineze për të kontrolluar narracionin mbi origjinën e pandemisë koronavirus, e cila ka marrë më shumë se 100,000 jetë dhe ka sëmurë 1.7 milion njerëz në të gjithë botën që kur shpërtheu për herë të parë në qytetin kinez Wuhan në dhjetor.

Që nga fundi i janarit, studiuesit kinezë kanë botuar një seri studimesh Covid-19 në revista me ndikim ndërkombëtar. Disa gjetje në lidhje me rastet e hershme të koronavirusit, kanë ngritur pyetje mbi llogarinë zyrtare të qeverisë për shpërthimin dhe ngjallën polemika në mediat sociale kineze.Dhe tani, autoritetet kineze duket se po forcojnë kontrollin e tyre për botimin e studimit Covid-19.

Një studiues kinez tha:

Unë mendoj se është një përpjekje e koordinuar nga qeveria kineze për të kontrolluar narrativën, dhe ta pikturojë sikur shpërthimi nuk ka origjinën në Kinë. Nuk mendoj se ata me të vërtetë do të tolerojnë ndonjë studim objektiv për të hetuar origjinën e kësaj sëmundjeje.

Burimi: CNN|Përktheu dhe Përshtati: JOQ Albania