Kam frikë të fle, jetoj vetëm me gjyshen 82 vjeçe, mos vjen qeraxhiu e na nxjerr nga banesa!

Miq të dashur!

Një fakt që të trondit dhe të prek në shpirt.
Media para dy ditësh trasmetoi vuajtjet dhe vështirësitë që po kalon një fëmijë 14 vjeç, i cili jeton vetëm me gjyshen e tij 82 vjeçe, pasi e ëma i ka ndërruar jetë prej pak ditësh, kurse i ati e ka braktisur.
Fëmija me gjyshen jetojnë në Gramsh, në një shtëpi me qera.
” Kam frikë të fle se mos vjen qeraxhiu dhe na nxjerr nga banesa se nuk kemi lekë të paguajmë.”
Zëri i dridhej…
Këto fjalë me lot në sy e me vështirësi të madhe dolën nga goja e shpirti i tij i vogël dhe i trazuar, i Mariglenit vetëm 14 vjeçar.
Fjalët e Mariglenit ishin thirrje dhe apel për ndihmë për të kaluar këtë situatë të vështirë.
Fjalët e Mariglenit janë në fakt thirrjet e qindra e mijërave “Mariglenëve” të tjerë që jetojnë në kushtet ekstreme të varfërisë, sot Shqipëri.
Në këtë situatë të vështirë që po kalojmë, për shkak të Coronavirusit Covid-19, vetëm dhimbja, ndjenja shpirtërore dhe solidariteti human i shqiptarëve, për këta “Mariglenë” të pafajshëm, do të ishte shpëtim.
Ata kanë nevojë të ndihmohen me strehim dhe kërkesat bazike për mbijetesë.
Zoti e ndihmoftë Mariglenin 14 vjeçar nga Gramshi dhe gjithë “Mariglenët” në Shqipëri!

Lori S. Kushta