Jordania përdor kamera dhe dronë për monitorimin e shtetrrethimit

Jordania është duke përdorur dronë dhe kamera vëzhgimi për të monitoruar izolimin mbarëkombëtar të imponuar për të frenuar përhapjen e koronavirusit.

Forcat e armatosura dhe shërbimet e sigurisë do të sigurohen që orari i vendosur i izolimit po respektohet duke përdorur teknologji moderne si drone dhe kamera vëzhgimi.

Kështu tha ministri i shtetit për informacionin, Amjad al-Adayleh, në një konferencë për shtyp.

Jordania ka deklaruar pesë të vdekur dhe 323 raste të infektuarish me COVID-19.

Adayleh, i cili shërben gjithashtu si zëdhënës i qeverisë, paralajmëroi se autoritetet do të marrin “masat e nevojshme kundër kujtdo që shkel vendimet” të marra për të parandaluar përhapjen e virusit.

Jordania njoftoi se ka arrestuar të paktën 1600 njerëz për shkelje të shtetrrethimit.

Sheti ka mbyllur kryeqytetin dhe të gjitha krahinat e vendit, ka pezulluar fluturimet brenda dhe jashtë Jordanit, ka mbyllur shkolla dhe ka ndaluar të gjitha tubimet publike.

Burimi: barrons Përktheu dhe Përshtati: JOQ Albania