Dëshmia tronditëse e prindërve të 17-vjeçares: I dashuri i saj dhe shokët e tij i dhanë pije, i vunë e aparat në kokë

Disa ditë më parë mbarë opinioni publik u trondit nga një ngjarje që u raportua nga Saranda. Kujtojmë këtu se u raportua se një 17-vjeçare ishte abuzuar seksualisht nga një burrë 72-vjeçar.
Së fundmi kanë folur prindërit e 17-vjeçares. Ata kanë mohuar gjithçka, madje edhe faktin se vajza e tyre mund të jetë abuzuar nga 72-vjeçari, Bajram Tusha. Ky i fundit prej disa ditësh është pas hekurave.
Prindërit e 17-vjeçares kanë akuzuar të dashurin e vajzës së tyre dhe kanë thënë se ai e ka manipuluar atë. Sipas tyre 17-vjeçarja ka qëndruar me të dashurin e saj për disa ditë në Durrës. Babai vajzës ka thënë është ‘abc news’:
U dashurua me një djalë. Ky djali erdhi vetëm ditën e parë dhe të dytë sa mori vajzën dhe nuk ka ardhur më në shtëpi. Ma bllokoi vajzën për 25 ditë. Folëm në telefon me vajzën dhe më tha që ishin në Durrës dhe do merrnin shtëpi me qira. Kam shkuar në polici disa herë dhe më kanë nxjerrë përjashta nuk më kanë dëgjuar.
Gjithashtu prindërit janë shprehur se vajza e tyre kishte ndryshuar dhe i dashuri saj me shokët mund t’i kenë bërë çdo gjë. E më pas babai ka thënë:
Mund t’i kenë bërë lëndë narkotike. Vajza më tha o babi më bëri një aparaturë në kokë, tha për të larë trurin.
Dëshmia e plotë e prindërve:
A ju ka thënë vajza se ka qenë e abuzuar?
Jo asnjëherë.
Vajza ka akuzuar edhe dy të tjerë për abuzim, jeni në dijeni?
Po jemi. Njëri prej tyre nuk është futur asnjëherë në shtëpinë time. Thjesht ka ardhur njëherë më ka sjellë peshk, madje as më mori lekët dhe iku.
Përse mendoni se i ka akuzuar vajza?
Në momentin që ata kanë qenë këtu, ata i janë fiksuar vajzës dhe prandaj i ka akuzuar. Vajza vetëm ata mbante mend dhe askënd tjetër.
Sa i përket raportit me 72 vjeçarin, vajza ka thënë se gjthçka ka filluar kur ishte 9 vjeçe?
Në asnjë mënyrë. Është e pamundur. Disa thonë nëntë vjeçe dhe disa 14 vjeçe.
Vajza ju akuzon juve për sjellje të turpshme ndaj saj.
Kurrë. Asnjëhjerë.
Cili është qendrimi juaj?
Njerëzit e pafajshëm të dalin nga burgu dhe të merren ata që janë të fajshëm.
Kush është i pafajshëm sipas jush?
Bajram Tusha është i pafajshëm. Unë shkova të denoncoja një njeri tjetër ata morën Bajram Tushën dhe i thanë firmos këtu dhe prano që ke abuzuar.
Çfarë marrëdhënie keni ju me Barjam Tushën?
Shoqëri dhe miqësi. Më ka ndihmuar këtu e 9 vite. Nuk kemi pasur ndonjë konflikt tjetër në botë. Vajza është e shtyrë nga Gentian Ruci. Për arsye se diku, shumë vite më parë kur nuk ishim këtu, ai e ka bërë vajzën që të thoshte vetëm për këtë person.
Çfarë qëndrimi keni mbajtur ju për marrëdhënien që kishte vajza juaj me Gentian Rucin?
Kur erdhi ditën e parë këtu, nuk e njihja fare, shumë të largët. Mua vajza më ka premtuar në 4-5 mars, që o babi më vjen ai më kërkon mua, kam një mur në shtëpi për të bërë. Jo i thashë nuk e bëj dot. E pyesnim vajzën, ‘të ngacmon’ , jo nuk më ngacmon. Sa lidhje kishte vajza me këtë njeri ne s’dimë gjë. Na thosh që është polic, se është kështu, se ashtu e mashtronte dhe ai.
Ndërkohë vajza ka kaluar 2 javë në shtëpinë e tij, si është larguar nga shtëpia jua?
Vajza është larguar 25 ditë. E mbylli në shtëpinë e tij, e çonte nëpër shoqëri. Më merrte mami jam te një shoku i Gentit.
Çfarë nënkuptoni ju me e çonte nëpër shoqëri, çfarë i bënte?
Dimë ne çfarë i bënte? Përderisa vajza ka ndryshuar mund t’i kenë bërë çdo gjë. Mund t’i kenë bërë lëndë narkotike. Vajza më tha o babi më bëri një aparaturë në kokë, tha, për të larë trurin.
Mendoni se të tjerë meshkuj mund të kenë abuzuar me vajzën tuaj?
Po, gjatë kohës që ishte me Gentian Rucin.
Ju si familjarë, gjatë kohës që nuk ishte në shtëpi, e kërkonit vajzën? Jeni përballur me Gentianin?
E kërkonim dhe nuk na fliste. Dhe në fund që unë kuptova vajzën, vajza vjen me cigare dhe orë e sekondë donte cigaren. Pas cigaren kërkonte koka kolën. Nuk pinte kurrë më parë.