Ana e panjohur e Piperos, i vëllai rrëfen gjithçka: E kemi nënë, baba e gjithçka se prindërit na kanë lënë. Kam frikë për të!

Ndër të tjera, Eduard Pipero, që prej vitesh jeton në Gjermani, rrëfeu se Pëllumbi për ta (vëllezërit dhe motrat e tjerë) është gjithçka që kanë, pasi e ëma i ka lënë në moshë të re. Ndërsa babai u ka vdekur para disa kohësh.

TIRANË– Eduard Pipero, vëllai i mjekut Pëllumb Pipero ka treguar një anë tjetër të mjekut që dy muajt e fundit ka pushtuar të gjitha ekranet shqiptare. Në një lidhje me Skype në emisionin “Shqipëria live”, përballë, Flori Gjinit dhe Erjona Rusit, Pipero u shpreh se ka frikë për të vëllanë që është në vijën e parë të luftës me Covid-19.

Ndër të tjera, Eduard Pipero, që prej vitesh jeton në Gjermani, rrëfeu se Pëllumbi për ta (vëllezërit dhe motrat e tjerë) është gjithçka që kanë, pasi e ëma i ka lënë në moshë të re. Ndërsa babai u ka vdekur para disa kohësh.

“Mundohemi të zbatojmë atë që na udhëzon Pëllumb Pipero. Mjekët janë heronjtë e vendit tonë dhe jam i kënaqur që kryeministri është shumë i kujdesshëm. Patjetër unë shpesh komunikoj me vëllanë, sepse na lidh sporti, atë vrapi dhe mua boksi. Unë gjithmonë e thërras doktor. Jemi shumë krenar për të, po ashtu lutem që i gjithë vendi jonë të dalë nga kjo situatë. Doktori është një motivator shumë i fortë dhe sinqerisht, ashtu siç shfaqet në televizor është në të vërtetë. Një ditë kur fola kishte pothuajse tre ditë pa fjetur. Ai është shumë optimist, i vendosur, luftëtar, ne krenohemi me të. Sinqerisht mua më kanë shkruar shumë pyetje në Facebook dhe jam mundurar t’i lidh me doktorin.

Jam munduar me mundësitë e mia t’i lidh me profesorin. Doktori është njeri shumë i dashur, zemërmirë, i durueshëm. Ne jemi rritur pa nënë dhe na ka mbajtur dashuria për njëri-tjetrin. Doktori është më i madhi nga vëllezërit e motrat. Babai na vdiq para disa kohësh, ndërsa nëna kur kam qenë i vogël dhe ai për ne është baba, nënë gjithçka. Së pari unë ju përshëndes ju, faleminderit për intervistën. Përshëndes vëllanë, Pëllumbin. Gjithashtu i bëj thirrje të gjithë qytetarëve të dëgjojnë mjekët dhe të ndjekin këshillat e tyre sepse është shumë e rëndësishme. Ju lutem respektoni atë që ju thotë doktor Pipero,”- përfundoi fjalën e tij Eduardi.

Për më shumë bëhu pjesë e grupit më viral në Facebook, Dosja.al
Mjeku Pëllumb Pipero është kthyer në një ‘udhërrëfyes’ për të gjithë shqiptarët që tashmë po kalojnë një periudhë mjaft të vështirë për shkak të koronavirusit. Ai ka qenë i ftuar në shumë emisione, dhe ka dhënë këshilla të vlefshme për të gjithë të karantinuarit. Së fundmi, Pipero u kthye dhe në një picë që kishte figurën e një pëllumbi, për të qenë akoma më afër tavolinave tona.