Sot u mbush 1 vit dhe dhimbja nuk shuhet kurrë, dita ditës sa vjen dhe shtohet.
Mund të shkruajmë me orë e orë por një gjë është e sigurt asgjë nga këto që themi apo shkruajmë nuk mund të jetë e mjaftueshme ta tregojnë mungesën dhe dhembjen që kemi për ty…
Ah sa vështirë është të shkruajmë për Ty jo pse nuk dimë se çka të shkruajmë por nuk dimë nga t’ia fillojmë sepse ishe dhe do të mbetesh i pazëvendësueshëm. Baba qenka e vështirë të jetohet e rëndë të mendohet e aq më e rëndë të besohet se t’i nuk je më ne mesin tonë.
Na le të varfër në shpirt, por edhe krenar që patëm një baba si Ti, kjo na bënë pak më të lehtë humbjen tënde.
Urtësia, korrektësia, bujaria, kultura, mirësjellja dhe besnikëria jote të bëjnë të jesh i çmuar, i respektuar dhe i paharruar për ne si familje dhe për të gjithë ata që patën nderin dhe rastin të të njohin
Faleminderit që ishe një mjek dhe nje keshillues per vendin ku jetove dhe një shembull i jashtëzakonshëm për fëmijët e tu, thjeshtë një baba, një bashkëshort një vëlla një mik unik që çdo njeri ëndërron.
Mungesa jote është zbrazëti që nuk plotësohet kurrë, ndërsa kujtimi për Ty do të jetë pjesë e jetës tonë përgjithmonë. Krenohemi që të patëm dhe të lënduar që të humbëm.
Me mall dhe dhembje do të përkujtojmë gjithmonë…
Notice: Trying to access array offset on value of type null in /home/customer/www/a-news24.com/public_html/wp-content/themes/goodnews5/framework/functions/posts_share.php on line 66
